ကျမသည် ဤအိမ်တွင် သမီးလတ်ဖြစ်၏။ တစ်နေ့ ကျမ စာဖတ်နေသည်။ အစ်ကိုကြီးက အငယ်ဆုံးမောင်လေးကို စာသင်ပြပေးနေသည်။ အစ်ကိုကြီးသည် တစ်ခါ တစ်ခါ သူဖြစ်စေချင်သလို ဖြစ်မလာသောအခါ မောင်လေးကို ဆူသည်။ မောင်လေးက အတွန့်တက်သည်။ အစ်ကိုကြီးက မောင်လေးကို စိတ်တိုစွာ အော်ငေါက်သည်။ ကျမ မောင်လေးနှင့် အတန်းမတူ သည့်အတွက် မသိမသာ နားထောင်နေလိုက်သည်။ အစ်ကိုကြီးနှင့် မောင်လေး၏ စာကျက်ဝိုင်းတွင်မပါဝင်တော့။ သို့သော် မြင်နေကြားနေရသည်။
အိမ်ရှေ့ခန်းမှ ဖေဖေက ညီအစ်ကို နှစ်ယောက်အခြေအနေကို မြင်နေရသည်။ ပြောစကားပြောသံတွေ ကြားနေရသည်။ ညီအစ်ကို နှစ်ယောက်၏ စာကျက်ဝိုင်းသည် တစ်ဖြည်းဖြည်း ဆူညံလာသည်။
အိမ်ရှေ့ခန်းမှ အဖေ မနေနိုင်တော့ သားနှစ်ယောက်စာကျက်ဝိုင်းသို့ ရောက်လာသည်။ အဖေက အစ်ကိုကြီးကိုပြောသည်။
'' ဘယ်လိုဖြစ်နေတာလည်း သားကြီးရဲ့''
'' ညီလေးက သားခိုင်းတဲ့အတိုင်း မလုပ်ဘူး ဖေကြီးရဲ့ ဒါကြောင့် ဆူနေတာ"
''အော် သားငယ်က စာမလိုက်နာနိုင်တာလား''
'' အဲလိုလည်းမဟုတ်ဖူး ဖေဖေရ ကျောင်းက ဆရာမ ခိုင်းတဲ့အတိုင်း သူက မလုပ်ဘူး သူ့ ဟာသူ ဟိုကြံ ဒီကြံ နဲ့ သား ပြတာကိုလည်း စိတ်မ၀င်စားဘူး''
'' ဟ အဲဒါကောင်းတာပေါ့သားရဲ့ ဆရာမခိုင်းတဲ့အတိုင်း မလုပ်ဘူးဆိုတာက သူ အခြားနည်းလမ်းကို စဉ်းစားမိလို့ ဖြစ်မှာပေါ့ သူဘယ်လိုလုပ်မလည်း ဆိုတာကို အရင်စောင့်ကြည့်လေ မှားပြီဆိုမှ မှန်ကန်တဲ့နည်းစနစ်ကိုပြောပေါ့၊ သားရဲ့ ဆရာမ သင်တဲ့အတိုင်း မလုပ်ရဘူးလို့ မဆိုလိုဘူးကွယ် ဆရာသင်တာထက်ကို ကျော်လွန်ပြီး စဉ်းစားတာပိုကောင်းတာပေါ့ သူက ဆရာမ သင်တာ မှားတယ်လို့ပြောလို့လား'' ''အဲလိုလည်းမဟုတ်ဖူးဖေကြီးရ'' '' ကဲ .. ဒီလိုဆို သားကို ဖေကြီးမေးမယ် သားဖြေပါဦး'' ဟုတ် ဖေကြီး ''
ဖေကြီးသည် ၀ိုက်ဘုတ် တွင် ဂဏန်းများရေးပြီးပေါင်းခိုင်းတော့သည်။'' ကဲ သား ဒီဟာတွေ ပေါင်းကြည့်ပါဦး
5+1= 4+2= 3+3= ဒါတွေရဲ့ အပေါင်းရလဒ်ဟာ ဘာဖြစ်မလည်း '' ဟာ ဖေဖေကလည်း လွယ်လွယ်လေးပါ ဒီလောက်တော့'' ''ကဲဟုတ်ပါပြီ ဒါဆိုရင် ဒီ 6 ရဖို့ ပေါင်းတဲ့ ဂဏန်းကုန်ပြီလား'' '' အင်း ကျန်သေးတယ် ဖေကြီး'' '' ကဲပြောပါဦး'' '' 6+0= ဒါလည်း 6 ရတယ်ဖေကြီး'' ''ဟုတ်တာပေါ့ ကဲ ထားပါတော့ အခြားနည်းနဲ့ ၆ ဖြစ်အောင် ကြံစမ်းပါဦး'' ''အင်း သား မစဉ်းစားတတ်တော့ဘူး'' ''ထပ်ပြီးစဉ်းစားပါဦး'' ''ရတော့ဘူး ဖေကြီးရဲ့ 6 ဂဏန်းအတွက် ဒါတွေကုန်ပြီ'' သေချာပီနော် သေချာရင် ဖေကြီးပြောမယ် ကဲ ဒါဆို တစ်ဆယ်ထဲ လေးနုတ်ရင်ဘယ်လောက်လဲ'' ''ဟာ ဖေကြီးကလည်း ဒါက အနုတ်လေ သားက အပေါင်းပြောနေတာ'' ဒါပေါ့ သားပြောတော့ 6 ဂဏန်းရဖို့ ဒါပဲဆို'' ''ဟုတ်ကဲ့ဖေကြီး ရှင်းအောင်ပြောပါဦး'' '' အေး ပြောမယ် နားထောင် ခုနက သားပြောတဲ့နည်းတွေက system ပဲ အဲဒီအပေါ်မှာ အသေကြီး မှတ်မထားဖို့ပြောချင်တာ သားကြီးက ညီလေးကို သားကြီးသင်တဲ့အတိုင်း မလုပ်လို့ စိတ်ဆိုးအော်ငေါက်တယ်၊ ဆရာမသင်တဲ့အတိုင်း မလုပ်လို့ စိတ်တိုတယ်၊ သားငယ်က သူနည်းသူ့ဟန်နဲ့ သူ ကြံစည်တယ်၊ အဲလို ကြံစည်စိတ်ကူးမှုရှိတာ သားက အားပေးရမှာ မဆူရဘူး ကြက်တူရွေးစာကြက်မလုပ်ခိုင်းရဘူး သူနည်း သူ့ဟန်နဲ့ သူ ဖြေရှင်းလို့မရမှ သားက မှန်ကန်တဲ့ နည်းစနစ်ကိုပြောပြရမှာ စစချင်းပဲ ရှိသေးတယ် ဒီဟာမှားတယ် ဆိုတာမျိုးမလုပ်ရဘူး ဟုတ်လား ဖေကြီးပြောချင်တာ အဲဒါပဲ သားကိုမှားတယ် လို့ မပြောဘူး၊ သားငယ်လုပ်တာလည်း မှန်တယ် လို့မပြောဘူး၊ ဖေကြီးလိုချင်တာက ဘယ်အရာမဆို ကိုယ်ပိုင်ဉာဏ်နဲ့ စဉ်းစားမှုမျိုးရအောင် တွေးခေါ်တတ်အောင်သားကသင်ပေးရမှာ ဟုတ်လား'' ''ဟုတ်သားသဘောပေါက်ပါပြီဖေကြီး ''
ဤသို့ဖြင့် ကျမမြင်တွေ့နေရသော အစ်ကိုကြီးနှင့် မောင်လေးတို့၏ ငြင်းခုံမှုသည် အသံတိတ်သွားလေတော့သည်။ ။
No comments:
Post a Comment