Thursday, August 13, 2009

မေမေ


''မေမေ'' ရေ...........
-ရေ အေးအေးလေးတစ်ခွက်
အမေ့ လက်နဲ့ တိုက်ပေးပါ။

-အမေ ၀ါးကျွေးတဲ့ ထမင်းဖြူတစ်ဆုပ်ကို
တရုတ် ဆိုင်က ထမင်းထက် သတိရနေတာ သား လေးပေါ့။

-အမေချုပ်ပေးတဲ့ အင်္ကျီလေးက
သားဘ၀ကို နွေးထွေးစေတယ်။

-သား ကျောင်းပြေးတော့
အမေ သားကိုရိုက်ပြီး
တိတ်တခိုး ရှုိုက်ငိုနေတာ သားသိတယ်။

-ကျောင်းတက်ရန် မြို့သွားဖို့ လိုက်အပို့မှာ
ကားမထွက်ခင် မျက်ရည်စို့တာ သားမြင်တယ်။

-သား ဘွဲ့ယူချိန် အမေ့မျက်နှာ
စန္ဒာလမင်း ရှုံးလောက်အောင်
အပြုံးရောင်တွေတလက်လက်
ဆံ ပင်ဖြူ အသက်ကြိးပေမဲ့
မရင့်ကျက်သေးတဲ့ ကလေးသူငယ်လိုပဲ
သားအတွက် ချစ်ခြင်းမှာတော့ နုနေဆဲ...၊

-ခုချိန်မှာကား..........
နိုင်ငံရပ်ခြား၊ တိုင်းတစ်ပါးမှာ
ခွဲခွါလို့သာ၊ နေရပါသည်
ဌာနေကိုလွမ်း၊ မျှော်ကာမှန်းလို့
တမ်းတစိတ်မှာ ၊ မဖြေသာပြီ
ရင်မှာမောပန်း ၊ ပြန်လမ်းကိုမျှော်
အခွင့်ပေါ်သော်၊ ပျော်ပျော်ရွှင်ရွှင်
သားပြန်ချင်သည်..............
ရွာအ၀င်မှာ-
အမေလာကြိုလှည့်ပါနော်။





No comments:

Post a Comment